Heimaleikur gegn Víking á laugardag

Fótbolti
Heimaleikur gegn Víking á laugardag
Gerum stúkuna á Akureyrarvelli gula á morgun!

Á morgun, laugardag, tekur KA á móti Víking Reykjavík í 5. umferð Pepsi deildarinnar á Akureyrarvelli. Leikurinn hefst klukkan 14:00 og hvetjum við alla til að mæta og styðja okkar lið til sigurs.

KA liðið hefur farið vel af stað í deildinni og hefur 7 stig í 3. sæti deildarinnar en eftir flotta baráttu í síðustu umferð gegn toppliði Stjörnunnar þurftu strákarnir að sætta sig við tap eftir mark á lokasekúndum leiksins.

Andstæðingar okkar hafa hinsvegar tapað þremur leikjum í röð eftir góðan sigur á KR í fyrstu umferð. Þá urðu þjálfaraskipti hjá Víkingum á dögunum þegar Milos Milojevic hætti störfum og var Logi Ólafsson ráðinn í hans stað. Leikurinn á morgun verður fyrsti leikur liðsins undir stjórn Loga.

Til að hita upp fyrir leikinn rifjum við upp smá brot úr leik liðanna í fyrstu umferð efstu deildar sumarið 1988. Leikurinn fór fram á gervigrasvellinum í Laugardal og vann KA góðan 0-1 sigur en þetta var fyrsti keppnisleikur KA undir stjórn Guðjóns Þórðarsonar.


Valgeir Helgi Barðason skoraði eina mark leiksins í sigri KA á Víkingum sumarið 1988

Staðan í deildinni er eftirfarandi en strákarnir eru staðráðnir í að halda góðri byrjun sinni áfram en til þess að stigin 3 náist á laugardaginn þurfa þeir stuðning, sjáumst á Akureyrarvelli og áfram KA!

 FÉLAGLUJTMÖRKNETSTIG
1 Stjarnan 4 3 1 0 12  -    4 8 10
2 Valur 4 3 1 0   9  -    4 5 10
3 KA 4 2 1 1   8  -    5 3 7
4 Grindavík 4 2 1 1   8  -    8 0 7
5 Fjölnir 4 2 1 1   3  -    3 0 7
6 ÍBV 4 2 1 1   4  -    5 -1 7
7 KR 4 2 0 2   6  -    6 0 6
8 FH 4 1 2 1   8  -    7 1 5
9 Víkingur R. 4 1 0 3   5  -    7 -2 3
10 Breiðablik 4 1 0 3   5  -    9 -4 3
11 Víkingur Ó. 4 1 0 3   4  -    8 -4 3
12 ÍA 4 0 0 4   7  -  13 -6 0

Knattspyrnufélag Akureyrar  |  Dalsbraut 1 600 Akureyri  |  S. 462 3482  |  staff@ka.is