Mikilvægur heimaleikur hjá Þór/KA

Stelpurnar ætla sér að verða Íslandsmeistarar

Kvennalið Þórs/KA fær KR í heimsókn á Þórsvöll í dag klukkan 18:00. Leikurinn er liður í 14. umferð Pepsi deildar og má með sanni segja að mikið sé undir í leiknum.

Fyrir leikinn eru aðeins 5 umferðir eftir í deildinni og hafa stelpurnar 8 stiga forskot á toppi deildarinnar. Sigur í dag myndi sjá til þess að liðið héldi því forskoti þegar aðeins 12 stig yrðu eftir í pottinum.

Þór/KA vann fyrri leik liðanna 0-2 á Alvogenvellinum með mörkum frá Önnu Rakel Pétursdóttur og Söndru Mayor í síðari hálfleik. En það er ljóst að stelpurnar þurfa að hafa mikið fyrir stigunum í dag en KR liðið er búið að vera á góðu skriði að undanförnu og hefur unnið síðustu tvo leiki sína.

Við hvetjum alla sem geta til að mæta á Þórsvöll í dag og styðja stelpurnar til sigurs, áfram Þór/KA!