Áki Egilsnes skrifar undir samning við KA

Handbolti

Handknattleiksdeild KA hefur gert samning við unga og efnilega örvhenta skyttu frá Færeyjum. Sá heitir Áki Egilsnes og er fæddur árið 1996.

Áki kemur til liðs við KA frá VÍF í Færeyjum, en þar áður lék hann með TMS Ringsted í næst efstu deild í Danmörku. Áki er gríðarlega öflug og efnileg skytta, 187 cm á hæð og aðeins 21 árs gamall. Hann leikur U21-árs landslið Færeyja og mun m.a. taka þátt í heimsmeistarakeppni U21 árs liða sem fram fer núna í sumar en þetta í fyrsta skipti sem Færeyingar tryggja sér þátttöku á lokamóti í handbolta. Áki á einnig að baki nokkra leiki með A-landsliði Færeyja. 

Áki mun svo koma til KA í ágúst og hefja æfingar með liðinu. Áki er ekki óvanur því að leika í gulu og bláu en VÍF í Færeyjum eru einmitt gulir og bláir.

 


Knattspyrnufélag Akureyrar  |  Dalsbraut 1 600 Akureyri  |  S. 462 3482  |  handbolti@ka.is