KA/Þór sigraði FH örugglega og styrkti stöðu sína á toppnum

KA/Þór sigraði FH örugglega í Grill66 deild kvenna í leik sem fram fór Í KA-heimilinu í dag. KA/Þór skoraði fyrstu þrjú mörk leiksins og leit aldrei til baka. Munurinn á liðunum var á bilinu 3-6 mörk allann leikinn þar til undir lokinn þegar að KA/Þór seig enn lengra frammúr. Leiknum lauk með 29-18 sigri KA/Þór en staðan var 14-9 í hálfleik.

Steinunn Guðjónsdóttir var frábær í vinstra horni KA/Þór í dag en hún skoraði mörk í öllum regnbogans litum, úr hröðum upphlaupum, úr horninu og fyrir utan.
Annars var markaskorun KA/Þór sem hér segir: Steinunn Guðjónsdóttir 9, Martha Hermannsdóttir 8 (5 úr vítum), Ásdís Sigurðardóttir 4, Ásdís Guðmundsdóttir 3, Hulda Bryndís Tryggvadóttir 3, Kolbrún María Bragadóttir 1 og Þórunn Eva Sigurbjörnsdóttir 1 mark.
Sunna Guðrún Pétursdóttir stóð vaktina í marki KA/Þór og varði 19 skot.