Hrannar Björn með 100 leiki fyrir KA

Við óskum Hrannari til hamingju með áfangann!

Bakvörður okkar KA manna hann Hrannar Björn Steingrímsson lék í gær sinn 100. leik fyrir KA í deild- og bikarkeppni. Hrannar Björn hefur í þessum 100 leikjum skorað 1 mark en það var glæsilegt mark gegn Fjölni á útivelli í Pepsi deildinni síðasta sumar.

Fyrsta mark Hrannars fyrir KA var stórglæsilegt

Hrannar Björn er uppalinn hjá Völsungi á Húsavík og á hann að baki 106 leiki fyrir sitt uppeldisfélag í deild- og bikar og hefur því leikið samtals 206 leiki í meistaraflokki til þessa. Hrannar gekk til liðs við KA fyrir sumarið 2014 og er því að leika sitt 5 keppnistímabil fyrir félagið í sumar. Í sumar hefur Hrannar tekið þátt í öllum 10 leikjum liðsins í deild og bikar og hefur gefið 3 stoðsendingar í þessum leikjum.

Hrannar spjallaði við KA-TV sumarið 2016

Hrannar Björn er frábær fyrirmynd fyrir yngri iðkendur félagsins og sannur heiðursmaður innan vallar sem utan. Við KA menn erum lánsöm að hafa leikmann eins og Hrannar innan raða félagsins.