Viðburður

Kynningarkvöld handknattleiksdeildar er á miðvikudaginn | Ársmiðasala og fyrsti heimaleikur

Fyrsti heimaleikur KA í Grill66 deild karla fer fram á föstudaginn. Stelpurnar hefja leik viku síðar, á laugardegi í Grill66 deild kvenna. Báðum liðum er spáð mikilli velgengni í vetur en fyrirliðar, þjálfarar og forráðamenn annarra liða í deildunum spáðu KA 1. sætinu og KA/Þór 2. sætinu í vetur.

Bæði lið eru vel mönnuð, vel þjálfuð og tilbúin í komandi átök. Á miðvikudagskvöldið verða liðin kynnt almenningi í KA-heimilinu kl. 20:00. Um er að ræða hefðbundna leikmannakynningu þar sem að þjálfarar liðanna, þeir Jónatan Magnússon og Stefán Árnason munu kynna liðin, frumsýna búninga og ræða um komandi vetur. Þá verða einnig til sölu og afhendingar ársmiðar á leiki liðanna í vetur. Hægt er að forpanta þá hjá Siguróla (siguroli@ka.is). Hægt er að kaupa ársmiða sem gilda á heimaleiki beggja liða fyrir 15.000kr fyrir veturinn eða miða sem gildir annaðhvort á karla- eða kvennaliðið fyrir 10.000kr stk. 

Endilega líttu við og sjáðu tvö mest spennandi handboltalið vetrarins kynnt til leiks. Léttar veitingar í boði!