Markalaust gegn ÍA

Rajko hélt hreinu í dag (Mynd: Þórir Tryggva)

KA og ÍA gerðu í kvöld markalaust jafntefli í 7. umferð Pepsi-deildarinnar.

KA 0 – 0 ÍA

Lið KA:

Rajko, Hrannar Björn, Aleksandar, Callum, Darko, Almarr, Ólafur Aron, Ásgeir, Hallgrímur Mar, Emil og Elfar Árni.

Bekkur:

Aron Dagur, Baldvin, Ívar Örn, Daníel, Bjarni, Bjarki Þór og Frosti.

Skiptingar:

Ólafur Aron út – Daníel inn (’88)

KA stillti fram óbreyttu byrjunarliði frá sigrinum í Ólafsvík í síðustu umferð. KA liðið mætti ákaflega vel til leiks og stýrði leiknum frá A-Ö allann fyrri hálfleikinn. Leikurinn var aðeins 12. mínútu gamall þegar að KA liðið vildi fá vítaspyrnu þegar að boltinn fór í hönd varnarmanns ÍA. En dómarinn var ekki á sama máli.

Besta marktækifæri fyrri hálfleiksins átti Almarr þegar að hann átti skot að marki ÍA sem var bjargað á línu eftir hornspyrnu frá Hallgrími Mar. Besta marktækifæri gestanna átti Tryggvi Hrafn þegar að hann átti hörku skot utan teigs en Rajko gerði vel að verja.

KA fékk fjölmargar hornspyrnur í fyrri hálfleik og komumst við nokkrum sinnum nálægt því að skora en staðan í hálfleik var markalaus. Fyrri hálfleikur var heilt yfir frekar bragðdaufur.

Síðari hálfleikur var ekki heldur mikið augnakonfekt og ekki mikið um marktækifæri. Callum Williams komst næst því að skora á 62. mínútu þegar að hann skallaði boltann í slá eftir hornspyrnu frá Hallgrími Mar. Elfar Árni átti einnig góðan skalla eftir fyrirgjöf frá Darko á 80. mínútu leiksins sem Ingvar markvörður gestanna gerði vel að verja.

KA reyndu að sækja sigurinn undir lokin ekki tókst það í kvöld og lokatölur því 0-0. Skagamenn voru þéttir til baka og greinilegt að leikplanið var að verja stigið og tókst þeim það. Leikurinn í kvöld var afar bragðdaufur og vantaði meiri kraft í KA liðið í kvöld til að sækja stigin þrjú.

Nivea KA-maður leiksins: Srdjan Rajkovic (Varði nokkrum sinnum vel í kvöld frá Skagamönnum. Tvisvar frá Tryggva Hrafni, í fyrri hálfleik og þeim síðari.)

Næsti leikur KA er á sunnudaginn þegar að liðið fer á Hlíðarenda og keppir við topplið Vals. Leikurinn hefst kl. 17.00 og hvetjum við alla KA menn að fara suður yfir heiðar og styðja við bakið á KA!