Vedran Turkalj semur við KA

Fótbolti

KA hefur komist að samkomulagi við króatískan miðvörð að nafni Vedran Turkalj um að spila með liðinu út leiktíðina. Turkalj er 29 ára gamall. 

Turkalj er sem fyrr segir miðvörður og er 193 sentímetrar á hæð. Hann kemur til liðs við KA frá NK Aluminij sem leikur í Slóvensku úrvalsdeildinni. Þar hefur hann leikið undanfarin þrjú tímabil. Turkalj lék einnig með yngri landsliðum Króatíu á árum áður, alls 12 leiki.

Turkalj mun koma til með að þétta raðir KA fyrir síðari umferðina í Pepsi-deildinni en eins og alkunnugt er meiddist Guðmann Þórisson illa fyrr á tímabilinu og er óvíst hvort hann geti leikið meira með KA í sumar. 

Við bjóðum Turkalj velkominn til KA og hlökkum til að sjá hann í gulu treyjunni gegn FH þann 5. ágúst næstkomandi. 


Knattspyrnufélag Akureyrar  |  Dalsbraut 1 600 Akureyri  |  S. 462 3482 | Hafa samband