KA vikan

KA vikan er vikulegur þáttur hér í KA-TV þar sem fjallað er um það sem er í gangi hjá félaginu hverju sinni. Farið er yfir síðasta leik KA og Þór/KA, spáð er í næsta leik, farið er yfir málin í yngri flokkunum, gömul KA kempa kíkir í Árnastofu og svo er farið á æfingu hjá yngri flokk hjá félaginu.

9. júní - Annar þáttur

Hér má sjá annan þáttinn af KA vikunni þar sem farið er yfir það helsta í KA starfinu. Áskell Þór Gíslason mætti í settið og fór yfir leik KA og Keflavíkur sem fór fram 4. júní og spáði einnig í spilin fyrir leik Leiknis R. og KA. Jónatan Þór Magnússon mætti í spjall um feril sinn í handboltanum og fór einnig aðeins í knattspyrnuferil sinn. Þá var kíkt á æfingu hjá 6. flokki karla og en þeir Almar Örn Róbertsson og Dagur Árni Heimisson voru gripnir í spjall ásamt þjálfara þeirra honum Atla Fannari Írisarsyni.

31. maí - Fyrsti þáttur

Í þessum fyrsta þætti mætti Aðalsteinn Halldórsson í settið og fór yfir leik Leiknis F og KA sem fór fram 29. maí ásamt því að farið var yfir leik Þór/KA og KR. Valþór Ingi Karlsson og Ævarr Freyr Birgisson landsliðsmenn KA í blaki fóru yfir nýliðið tímabil. Sverre Andreas Jakobsson fór yfir fyrri tíma þegar hann lék handbolta fyrir KA og þá var kíkt á æfingu hjá 7. flokki drengja í fótbolta.