Mót og flokkaskiptingar

Mótaskrá BSÍ 2015-2016: Smellið hér til að ná í mótaskrána.

Mótahald BSÍ: Árlega heldur BSÍ fjögur stór mót. Það eru:

  • Meistaramót Íslands
  • Íslandsmót unglinga
  • Deildakeppni BSÍ
  • Iceland International

Allar frekari upplýsingar á www.badminton.is


Í badminton er keppt í annarsvegar unglingaflokkum og hinsvegar fullorðinsflokkum.

Unglingaflokkarnir eru eftirfarandi (veturinn 2015-2016): Athugið að verið er að skoða breytingar á aldursflokkaferfi í Evrópu þannig að unglingar gangi upp úr unglingaflokkum um áramót en ekki að vori.

Snáðar og snótir - U11 - fædd 2005 og síðar
Hnokkar og tátur - U13 - fædd 2004 og 2003
Sveinar og meyjar - U15 - fædd 2002 og 2001
Drengir og telpur - U17 - fædd 2000 og 1999
Piltar og stúlkur - U19 - fædd 1998 og 1997

Unglingamótum er gjarnan skipt upp í getustig. A mót eru opin fyrir alla leikmenn en svokölluð B&C mót eru aðeins fyrir þá leikmenn sem ekki hafa unnið til verðlauna á opnum mótum. Yfirleitt þurfa þjálfarar að meta það hvoru getustiginu sínir leikmenn tilheyra.


Fullorðinsflokkarnir eru eftirfarandi:

  • Meistaraflokkur
  • A-flokkur
  • B-flokkur

Leikmenn hefja alla jafna keppni í B-flokki og eru síðan færðir upp um flokk þegar við á. Færslur milli flokka eru tilkynntar á Ársþingum Badmintonsambandsins. Miðað er við að leikmenn 40 ára og eldri geti ráðið í hvaða flokki þeir keppa.

Einnig er í einstaka mótum keppt í flokkum eldri leikmanna og eru þeir skilgreindir á eftirfarandi hátt:

  • Öðlingaflokkur - 40 ára og eldri
  • Æðstiflokkur - 50 ára og eldri
  • Heiðursflokkur - 60 ára og eldri

Trimmmót eru haldin reglulega í badminton. Þar er miðað við að leikmenn 16 ára og eldri sem ekki taka þátt í Meistara- og A-flokks mótum séu gjaldgengir.

Knattspyrnufélag Akureyrar  |  Dalsbraut 1 600 Akureyri  |  S. 462 3482  |  ka@ka-sport.is