KA vann í háspennuleik

KA-Stjarnan      3:2 (25:22, 18:25, 25:23, 19:25, 15:10)

KA vann mikilvægan sigur á Stjörnuni fyrir í kvöld í mjög jöfnum og spennandi leik þar sem bæði lið sýndu flotta takta.

     KA-menn unnu fyrstu hrinuna 25:22 eftir að hafa náð góðum spretti undir lok hennar. Stjarnan svaraði með auðveldum sigri í þeirri næstu en þá voru heimamenn í tómu rugli og gerðu hver byrjendamistökin á fætur öðrum. Svo illa spilaði liðið að Marek þjálfari var orðinn alveg sótsvartur á hliðarlínunni. Fór hrinan 18:25. 

     Þriðja hrinan var sú mest spennandi og var jafnt nánast á öllum tölum upp í 15:15. KA tók þá smá kipp en Stjarnan minnkaði muninn í 24:23 áður en KA lokaði hrinunni með fínni sókn.

     Stjarnan tók strax völdin í fjórðu hrinunni og skipti þar sköpum frábær hávörn Aleksanders Simeonov sem hreinlega lokaði á Piotr Kempisty aðalsmassara KA-manna. Fór svo að lokum að Stjarnan vann örugglega 19:25.

     Í oddahrinunni tók KA strax frumkvæðið með flottri vörn jafnt upp við netið (og takið nú vel eftir) sem aftur á vellinum. Þeir gulklæddu komust í 8:4 og hleyptu Garðbæingum aldrei nálægt sér. Hrinunni lauk 15:10 og leiknum þar með 3:2.

     Sóknarleikur KA var flottur í leiknum en kannski full fyrirsjáanlegur á köflum. Piotr Kempisty og Hilmar Sigurjónsson fóru þar á kostum lengstum en áttu að sjálfsögðu sína feila. Pjotr var sérlega beittur í uppgjöfunum og náði sex ásum. Till var flottur í móttökunni og skilaði sínum sóknum og uppgjöfum mjög vel. Filip var að spila nokkuð vel upp og skilaði mörgum stigum upp við netið. Tvíbbarnir áttu í mesta basli á miðjunni en tóku mikilvægar blokkir í oddahrinunni. Árni var ekki að sýna sitt besta í móttöku og vörn en það kom ekki að sök í dag. Valli kom sprækur inn af bekknum og skilaði sínu með sóma. Þess má geta að Davíð Búi var veikur í bælinu og var því ekki með. Hjá Stjörnunni var Aleksander Siemonov gríðarlega góður, var nánast hálft liðið en aðrir leikmenn áttu sínar rispur.

Stig KA í leiknum (sókn-hávörn-uppgjöf)