Kvennalið KA lagði Stjörnuna 3-2

Blak
Kvennalið KA lagði Stjörnuna 3-2
Úr leik KA og Stjörnunnar í dag Mynd: Harpa Æ

Kvennalið KA tók á móti Stjörnunni í KA-heimilinu í dag. KA sigraði 3-2 (19-25, 25-21, 25-14, 26-28 og 15-11) í mjög líflegum og spennandi leik sem stóð í nærri tvo og hálfan tíma. Gríðarleg barátta og stemmning var í KA liðinu og var aldrei nein uppgjöf sem sést best á því að í fjórðu hrinunni voru KA konur komnar 7 stig undir en rifu sig upp og náði Stjarnan ekki að ljúka þeirri hrinu fyrr en í upphækkun og hefði sú hrina getað lent hvoru megin sem var. Nánari upplýsingar um gang leiksins má finna á heimasíðu Blaksambands Íslands www.bli.is undir Mizuno-deild kvenna. Það er ljóst að ekki má missa af næsta leik!

Stigahæstu leikmenn KA í dag voru Birna með 17 stig, Alda Ólína með 11 og Hulda Elma með 7. Stigahæstar hjá Stjörnunni voru Elsa Sæný með 14 stig, Erla Rán með 13 og Ásthildur með 8. 


Knattspyrnufélag Akureyrar  |  Dalsbraut 1 600 Akureyri  |  S. 462 3482  | blak@ka.is