Tap hjá karlaliðinu

Sævar neglir boltanum í gólfið á laugardaginn

Fyrri leik liðanna lauk með sigri Stjörnunnar og fóru hrinurnar 25-21, 25-17 og 25-23. Stigahæstir KA manna voru þeir Ævarr Freyr Birgisson með 12 stig og Gunnar Pálmi Hannesson með 10 stig. Hjá Stjörnunni voru það Róbert Karl Hlöðversson með 12 stig og Kristófer B. Ólason Proppé með 7 stig. KA strákarnir voru töluvert frá sínu besta í þessum fyrri leik liðanna og mættu tvíefldir til leiks á laugardeginum. Úr varð rúmlega tveggja tíma hörkuspennandi leikur sem lauk einnig með sigri Stjörnunnar í oddahrinu. Hrinurnar fóru 16-25, 25-19, 25-22, 25-27 og 15-10. Stigahæstu leikmenn í liði KA voru Ævarr Freyr Birgisson með 27 stig og Sævar Karl Randversson með 12 stig. Í liði Stjörnunnar voru það Róbert Hlöðversson með 23 stig og Benedikt Tryggvason með 13 stig.

Piotr Kempisty sem hefur oftar en ekki verið stigahæstur í liði KA-manna spilaði ekki með liðinu en hann hefur verið meiddur undanfarið og ekki víst að hann muni spila meira með í vetur. Stigaskor leikjanna segir okkur þó að hið unga lið KA gefur ekkert eftir baráttulaust.  

Hér er hægt að skoða myndir Þóris Tryggvasonar fá föstudagsleiknum.