Hörkuleikur hjá Þór/KA gegn KR í dag

Fótbolti
Hörkuleikur hjá Þór/KA gegn KR í dag
Heiða og stelpurnar ætla sér sigur í dag!

Þór/KA tekur á móti KR í Pepsi Max deild kvenna í dag klukkan 18:00 á Þórsvelli en fyrir leikinn eru liðin jöfn í 5. og 6. sæti með 7 stig og má því búast við hörkuleik.

Stelpurnar áttu flottan leik gegn Fylki í síðustu umferð en urðu á endanum að sætta sig við 2-2 jafntefli og leitar liðið því enn að sínum næsta sigri en stelpurnar byrjuðu tímabilið á tveimur stórsigrum. Á sama tíma byrjaði KR sumarið illa en hefur náð í öll sín stig í síðustu þremur leikjum og mæta þær því fullar sjálfstrausts í leik dagsins.

Við hvetjum að sjálfsögðu alla sem geta til að mæta á Þórsvöll og styðja stelpurnar okkar til sigurs, áfram Þór/KA!


Knattspyrnufélag Akureyrar  |  Dalsbraut 1 600 Akureyri  |  S. 462 3482  |  staff@ka.is