Jajalo framlengir við KA út 2022

Fótbolti

Kristijan Jajalo skrifaði í dag undir nýjan tveggja ára samning við Knattspyrnudeild KA og er því samningsbundinn út sumarið 2022. Þetta eru ákaflega jákvæðar fréttir enda hefur Jajalo staðið fyrir sínu í rammanum frá því hann gekk til liðs við KA fyrir sumarið 2019.

Jajalo sem er 27 ára markvörður hefur leikið 27 leiki fyrir KA í deild og bikar og haldið hreinu í 9 leikjum, þar af 5 í Pepsi Max deildinni í sumar. Áður lék hann 54 leiki fyrir Grindavík og þar áður hafði hann leikið í Bosníu og Króatíu.

Við óskum Jajalo sem og Knattspyrnudeild til hamingju með samninginn og hlökkum til að fylgjast áfram með framgöngu þessa öfluga Bosníumanns á vellinum.


Knattspyrnufélag Akureyrar  |  Dalsbraut 1 600 Akureyri  |  S. 462 3482  |  staff@ka.is