Mikilvægur leikur í Grafarvoginum í dag

Fótbolti
Mikilvægur leikur í Grafarvoginum í dag
Risaleikur framundan á Extra vellinum

KA sækir Fjölni heim klukkan 14:00 í Pepsi Max deild karla í fótboltanum í dag. Strákarnir unnu góðan 2-0 sigur á Fylki í síðustu umferð og geta komið sér í ansi góða stöðu fyrir síðari hluta deildarinnar með sigri í Grafarvoginum.

Heimamenn eru hinsvegar á botni deildarinnar með aðeins 5 stig og þurfa nauðsynlega á sigri að halda til að færa sig nær 10. sætinu en þeir eru 9 stigum á eftir Víking, ÍA og KA sem eru öll með 14 stig. Í 11. sætinu eru svo Gróttumenn með 7 stig og ljóst að með sigri í dag er okkar lið komið í vænlega stöðu og gæti farið að horfa upp fyrir sig í deildinni.

Hvetjum alla sem geta til að mæta og styðja strákana en fyrir þá sem ekki komast verður leikurinn í beinni á Stöð 2 Sport, áfram KA!


Knattspyrnufélag Akureyrar  |  Dalsbraut 1 600 Akureyri  |  S. 462 3482  |  staff@ka.is