Útileikur gegn Breiðablik kl. 18:00

KA sækir Breiðablik heim á Kópavogsvöll klukkan 18:00 í Pepsi Max deild karla í dag. Leikurinn er liður í 14. umferð deildarinnar en var frestað vegna þátttöku Blika í Evrópukeppni. Liðin léku bæði á sunnudaginn síðasta og eiga svo aftur leik næsta sunnudag og því leikið þétt um þessar mundir.

Bæði lið eiga sex leiki eftir í sumar en á sama tíma og heimamenn eru í harðri baráttu um Evrópusæti hafa strákarnir okkar verið að klífa upp töfluna og ætla sér að halda því áfram gegn sterku liði Blika.

Við hvetjum að sjálfsögðu alla sem geta til að mæta og styðja strákana til sigurs en leikurinn er í beinni á Stöð 2 Sport fyrir þá sem ekki komast á völlinn, áfram KA!