KA sækir ÍR heim í mikilvægum leik

Danni og strákarnir ætla sér sigur í kvöld!

Það er skammt stórra högga milli hjá karlaliði KA í handboltanum en strákarnir sækja ÍR-inga heim í 17. umferð Olís deildarinnar í dag. Fyrir leikinn er KA í 7.-8. sæti deildarinnar með 13 stig en Breiðhyltingar eru í 9. sæti og munar einungis einu stigi á liðunum.

Liðin mættust fyrr í vetur í KA-Heimilinu þar sem KA liðið jafnaði metin á lokasekúndunni eftir svakalegan leik. Liðin virðast vera ákaflega svipuð að styrkleika og má reikna með hörkuleik í Austurberginu í kvöld.

Við hvetjum að sjálfsögðu alla sem geta til að mæta á leikinn en fyrir ykkur sem ómögulega komist í Austurbergið þá verður leikurinn sýndur beint og er hægt að nálgast útsendinguna frá leiknum hér fyrir neðan.