Júdó | Knattspyrnufélag Akureyrar - Júdó

Gull, tvö brons og mikil barátta: Frábær árangur KA á Íslandsmeistaramóti í júdó

Mon, 11 May 2026 20:33:00 +0000

Laugardaginn 9. maí fór fram Íslandsmeistaramót í júdó fyrir aldursflokkana U13, U15, U18 og U21. Mótið fór fram í húsakynnum Ármanns. Keppendur frá Júdódeild KA voru að sjálfsögðu mættir til leiks og stóðu sig með stakri prýði. Það sem gerði árangur helgarinnar sérstaklega skemmtilegan var að allir okkar keppendur voru að stíga sín fyrstu skref í nýjum og hærri aldursflokkum. Þrátt fyrir það létu þau engan bilbug á sér finna.

KA fjölmenntu á JRB International æfingabúðir

Tue, 03 Feb 2026 23:11:00 +0000

Júdódeild KA átti stærsta hópinn á dögunum þegar hinir árlegu vetrarbúðir, JRB International Kangeiko, fóru fram í Reykjanesbæ. Alls mættu 8 keppendur frá okkur, en samtals voru 41 þátttakandi á svæðinu. Þessi góða mæting sýnir vel hversu mikinn metnað iðkendur okkar hafa til að bæta sig. Hópurinn okkar stóð sig frábærlega. Þrátt fyrir erfiðar æfingar kláruðu allir dagskrána með bros á vör. Þjálfarar annarra liða tóku sérstaklega eftir því hversu vel KA-hópurinn hagaði sér, bæði á æfingum og utan þeirra. Við sjáum oft nýjar hliðar á iðkendum í svona ferðum. Þau koma heim reynslunni ríkari og sterkari, sem nýtist svo öllu liðinu á æfingum heima á Akureyri. Eins og sagt er: Þegar einn bætir sig, þá græðir allt liðið.

Þjálfari Júdódeildar KA tekur þátt í sögulegum viðburði í Róm

Thu, 30 Oct 2025 13:14:00 +0000

Eirini Fytrou, aðalþjálfari júdódeildar KA, var meðal þátttakenda á fyrsta námskeiði IJF Academy sem var eingöngu ætlað konum. Þessi sögulegi viðburður fór fram í Ólympíumiðstöðinni í Ostia á Ítalíu dagana 20.-25. október. Viðburðurinn markaði tímamót fyrir konur í júdóheiminum.

Frábær árangur júdódeildar KA á hinu alþjóðlega JRB móti

Mon, 20 Oct 2025 20:29:00 +0000

Keppendur frá Júdódeild KA náðu frábærum árangri á alþjóðlega JRB mótinu sem fór fram helgina 18.-19. október í Ljónagryfjunni á Reykjanesbæ. Mótið var fjölmennt með yfir 100 keppendum frá ýmsum þjóðum.

Glæsilegur árangur í júdó á Haustmóti JSÍ

Mon, 06 Oct 2025 13:14:00 +0000

Keppendur frá Júdódeild KA stóðu sig með prýði á Haustmóti JSÍ sem fram fór síðastliðinn laugardag, 4. október, í íþróttahúsi Vallaskóla á Selfossi.

Júdóæfingar að hefjast - Allir velkomnir

Tue, 26 Aug 2025 21:13:00 +0000

Júdódeild KA er að hefja haustönn sína og býður alla velkomna til að prófa og æfa íþróttina. Ólíkt mörgum öðrum íþróttum eru æfingar í boði fyrir alla aldurshópa, þar með talið fullorðna byrjendur.

KA stefnir á að vera í fararbroddi í þróun júdóíþróttar fyrir fólk með þroskahömlun

Fri, 18 Jul 2025 16:53:00 +0000

Júdódeild KA á Akureyri hefur tekið þátt í evrópsku verkefni um aðlögun júdó fyrir einstaklinga með þroskahömlun. Eirini Fytrou, þjálfari hjá félaginu, var ein af 86 þjálfurum frá 14 löndum sem sóttu ráðstefnu í Madríd. Eirini Fytrou frá Júdódeild KA á Akureyri var ein af þátttakendum á fyrstu ráðstefnu Judo Intellectual Disability Project (JIDP) í Madríd 10.-12. júlí. Ásamt henni var Annika Noack frá Tindastóli, en þær voru fulltrúar Íslands meðal 86 þjálfara frá 14 löndum.

Birgir með silfurverðlaun á Íslandsmóti fullorðinna

Tue, 29 Apr 2025 15:10:00 +0000

KA-maðurinn knái, Birgir Arngrímsson, náði glæsilegum árangri um helgina þegar hann landaði silfurverðlaunum í -100 kg flokki á Íslandsmóti fullorðinna í júdó. Birgir, sem er búsettur í Reykjavík, sýndi ótrúlega frammistöðu þar sem hann vann þrjár glímur en tapaði einni

Tveir Íslandsmeistarar á Íslandsmóti yngriflokka

Sun, 13 Apr 2025 21:41:00 +0000

Glæsilegur árangur náðist hjá keppendum Júdódeildar KA um helgina þegar keppt var á Íslandsmóti yngri flokka 2025 en alls skilaði KA heim tvo Íslandsmeistaratitla, og tveimur silfurverðlaunum

Góður árangur KA keppenda í júdó á Vormóti JSÍ

Tue, 25 Mar 2025 20:15:00 +0000

Keppendur frá KA stóðu sig með prýði á nýafstöðnu Vormóti JSÍ sem haldið var hér á Akureyri. Félagið átti sex keppendur á mótinu sem allir náðu mjög góðum árangri í sínum flokkum. Nokkrir keppendanna kepptu í sínum fyrstu mótum og lögðu góðan grunn að frekari framförum í íþróttinni.

Unnar Þorgilsson í þriðja sæti á Íslandsmóti fullorðinna í júdó

Wed, 01 May 2024 22:46:00 +0000

KA maðurinn Unnar Þorgilsson lenti í þriðja sæti á Íslandsmóti fullorðinna í júdó um síðustu helgi en hann keppti í -81kg. flokki. Unnar er gríðarlega öflugur keppnismaður sem sýnir sig með þessum frábæra árangri. Innilega til hamingju með árangurinn Unnar !

Þröstur Leó Íslandsmeistari í júdó

Sun, 14 Apr 2024 12:16:00 +0000

Þröstur Leó Sigurðsson gerði sér lítið fyrir og varð Íslandsmeistari í U15 ára um helgina. Þröstur sem hefur æft af kappi í vetur sigraði allar sínar viðureignir á Ippon. KA fór með tíu manna keppnishóp á Íslandsmótið og náði hópurinn frábærum árangri

Gylfi og Hannes keppa á RIG á morgun

Fri, 28 Jan 2022 13:44:00 +0000

Reykjavík International Games eða RIG fer fram á morgun, laugardag, og munu þeir Gylfi Rúnar Edduson og Hannes Snævar Sigmundsson keppa fyrir hönd júdódeildar KA. Gylfi mun keppa í flokki -73 kg og Hannes í -66 kg flokknum

Hekla, Gylfi og Birkir kepptu fyrir hönd Íslands

Sun, 31 Oct 2021 15:33:00 +0000

Júdódeild KA átti þrjá fulltrúa í landsliði Íslands sem kepptu á opna finnska meistaramótinu á laugardaginn. Þetta voru þau Hekla Dís Pálsdóttir, Gylfi Rúnar Edduson og Birkir Bergsveinsson en þau stóðu sig með miklum sóma og voru félagi sínu og þjóð til fyrirmyndar

Komdu í júdó!

Mon, 23 Aug 2021 13:23:00 +0000

Æfingar júdódeildar KA hefjast 6. september næstkomandi og hvetjum við alla sem hafa áhuga á að kíkja á æfingu upp í júdósal KA-Heimilisins og upplifa þessa stórskemmtilegu íþrótt

Allir keppendur KA á pall og Breki Íslandsmeistari

Mon, 31 May 2021 13:06:00 +0000

Um helgina fór fram Íslandsmeistaramót unglinga í júdó og átti Júdódeild KA alls níu fulltrúa á mótinu, sex drengi og þrjár stúlkur. Eftir erfiðan vetur voru krakkarnir spenntir að fá að reyna á sig á stóra sviðinu og ekki stóð á árangri hjá þeim

Júdóæfingar falla niður

Fri, 30 Oct 2020 13:55:00 +0000

Sæl verið þið ágæta júdófólk og forráðamenn. Vegna þess ástands sem ríkir í nærumhverfi okkar og hertra reglna sem taka eiga gildi nú um miðnætti höfum við tekið þá ákvörðun að fella niður allar æfingar frá og með deginum í dag (föstudag 30. október) þar til annað verður ákveðið.

Júdóæfingar hefjast á mánudag

Fri, 28 Aug 2020 09:19:00 +0000

Júdóæfingar hefjast næst komandi mánudag. Í boði eru æfingar frá 6-100 ára. Þjálfarar okkar verða þau Gunnar Örn Arnórssonog Berenika Bernat.

Tvö brons á RIG

Mon, 27 Jan 2020 13:56:00 +0000

Reykjavíkurleikarnir (RIG) standa nú yfir en RIG alþjóðlegt mót sem haldið er ár hvert í hinum ýmsu greinum. Í ár var met þátttaka í júdó og hefur þátttaka verið að aukast með árunum en keppendur voru nú um 70

Jólamót og viðurkenningar

Sat, 14 Dec 2019 22:18:00 +0000

Jólamót júdódeildar fór fram í dag að viðstöddu fjölmenni. Fullt af flottum glímum og krakkarnir stóðu sig öll með sóma. Áður en verðlaunaafhendingin fór fram var kynnt kjör á júdómanni og júdókonu ársins og veitt viðurkenning fyrir mestu framfarirnar. Viðurkenningu fyrir mestu framfarirnar á árinu hlaut Hannes Sigmundsson. Júdókona ársins er Berenika Bernat. Júdómaður ársins er Alexander Heiðarsson. Berenika og Alexander verða í kjörinu til íþróttamanns og íþróttakonu Akureyrar 2019.