Áki Egilsnes framlengir um tvö ár

Haddur formaður, ásamt Áka og Stefáni Árnasyni

Færeyingurinn Áki Egilsnes hefur framlengt samning sinn við KA um tvö ár.

Áki skrifaði undir nýjan samning nú í hádeginu og eru þetta miklar gleðifregnir. Áki hefur leikið vel með KA í vetur en hann hefur átt við nokkur meiðsli að stríða og ekki geta beitt sér að fullu í öllum leikjum.

Hann er örvhent skytta og er drjúgur við markaskorun þegar sá gállinn er á honum. Áki er einnig í færeyska landsliðinu í handbolta. Hann er aðeins 22 ára gamall og á því framtíðina fyrir sér.

Áki verður liðsmaður KA út tímabilið 2020, eða næstu tvö árin! Þessi samningur er mikilvægt skref fyrir komandi ár í handboltanum hjá KA.

Von er á fleiri leikmannafréttum og framlengingum næstu daga og vikur hjá KA. Fylgist vel með.