Miðasala á heimaleiki morgundagsins

Almennt | Fótbolti | Handbolti | Blak
Miðasala á heimaleiki morgundagsins
Hlökkum til að sjá ykkur! (mynd: Egill Bjarni)

Það er íþróttaveisla framundan á morgun, laugardag, en karlalið KA í knattspyrnu og blaki eiga heimaleik auk kvennaliðs KA/Þórs í handbolta. Áhorfendur hafa verið leyfðir að nýju og hér förum við yfir miðasöluna fyrir leikina. Athugið að grímuskylda er á öllum leikjunum.

Allir leikirnir verða í beinni á KA-TV en við hvetjum ykkur að sjálfsögðu til að mæta á leikina og styðja lið okkar til sigurs!

Blak: KA - Vestri kl. 13:15 í KA-Heimilinu

Alls eru 142 miðar í boði á blakleik KA og Vestra og hefst miðasala kl. 12:45 í KA-Heimilinu. Ársmiðar gilda að sjálfsögðu en stakur miði kostar 1.000 krónur fyrir fullorðna en 16 ára og yngri fá frítt inn. Við mætingu á leikinn er nafn, kennitala og símanúmer áhorfenda skráð niður.

Handbolti: KA/Þór - FH kl. 16:00 í KA-Heimilinu

Alls eru 142 miðar í boði á leik KA/Þórs og FH í Olísdeild kvenna og hefst miðasala í KA-Heimilinu kl. 13:30. Ársmiðahafar þurfa að koma og sýna ársmiðann sinn til að tryggja sér aðgang en annars kostar stakur miði 1.500 krónur og gildir sama fyrir fullorðna sem og börn. Þegar miði er keyptur er nafn, kennitala og símanúmer skráð niður.

Knattspyrna: KA - HK kl. 17:00 í Boganum

Öll miðasala á leik KA og HK í Boganum fer fram í Stubb en Stubbur er miðasöluapp fyrir farsíma. Fullorðinsmiði kostar 1.000 krónur og barnamiði (16 ára og yngri) er frír. Miðasalan er hafin í appinu og eru 140 miðar í boði.

Við inngöngu í Bogann verður nafn, kennitala og símanúmer allra áhorfenda skráð niður.


Knattspyrnufélag Akureyrar  |  Dalsbraut 1 600 Akureyri  |  S. 462 3482 | Hafa samband