Darko Bulatovic semur við KA

Svartfellingurinn Darko Bulatovic hefur gert eins árs samning við KA og mun leika með liðinu í Pepsi-deildinni komandi sumar.

Hann er bakvörður sem getur einnig leyst stöðu kantmanns og miðvarðar. Hann er fæddur árið 1989 og hefur bróðurpart síns ferils leikið í Serbíu.

Þessi öflugi leikmaður lék síðast með liði Cukaricki í Serbíu og þar áður hjá Radnicki Nis.

Bulatovic á að baki 63 leiki í efstu deild í Serbíu og hefur á spilað fyrir U21 landslið Svartfjallalands.

KA-menn fagna komu Darko sem mun styrkja liðið í baráttunni sem framundan er.