Flott uppskera á Íslandsmótinu í júdó

Berenika varð tvöfaldur Íslandsmeistari

Iðkendur í júdódeild KA hömpuðu alls 5 Íslandsmeistaratitlum á Íslandsmóti yngri flokka í júdó um helgina. KA átti 17 keppendur á Íslandsmótinu sem kepptu í 19 flokkum en alls var keppt í 28 flokkum á mótinu og því fín þátttaka hjá félaginu.

Berenika Bernat gerði sér lítið fyrir og varð Íslandsmeistari í -63 kg flokki kvenna bæði í U-18 og U-21! Þá varð Gylfi Edduson Íslandsmeistari í -60 kg flokki í U-18, Ólafur Jónsson sigraði +90 kg flokk U-18 og Baldur Bergsveinsson vann -90 kg flokk U-21.

Við óskum þeim til hamingju með titilinn og öllum okkar keppendum til hamingju með flottan árangur en hér má sjá lokastöðu okkar keppenda.