Gunnlaugur Rafn æfir hjá Bærum SK

Spennandi tækifæri hjá Gunnlaugi

Knattspyrnumaðurinn Gunnlaugur Rafn Ingvarsson æfir um þessar mundir hjá norska liðinu Bærum SK. Gunnlaugur sem verður 17 ára á árinu er mikið efni og ljóst að þetta er mikil viðurkenning fyrir hann að fá þetta tækifæri.

Við óskum honum að sjálfsögðu góðs gengis á æfingunum úti og hlökkum til að fá hann reynslunni ríkari til baka fyrir komandi átök í sumar. Þess má geta að Gunnlaugur tryggði KA Bikarmeistaratitil Norður-Austurlands sumarið 2018 í 3. flokki er KA lagði Þór að velli í úrslitaleik.