KA - Akureyri, baráttan um bæinn!

Handboltaveturinn hefst á mánudaginn þegar KA tekur á móti Akureyri þar sem bæjarstoltið sem og gríðarlega mikilvæg stig verða undir. Leikurinn hefst klukkan 19:00 og skiptir það öllu máli að fjölmenna á leikinn og styðja strákana okkar til sigurs.

Bæði karlalið KA og kvennalið KA/Þórs tryggðu sér sæti í deild þeirra bestu með frábærri frammistöðu á síðasta vetri og um að gera að rifja hann upp með skemmtilegu myndbandi hér fyrir neðan.

Það stefnir í gríðarlega skemmtilegan handboltavetur og eina vitið að taka þátt með okkur frá upphafi. Ársmiðasala er í fullum gangi í KA-Heimilinu en stakur ársmiði kostar 20.000 krónur en með því að kaupa bæði ársmiða hjá KA sem og KA/Þór fæst stykkið á 15.000 krónur.

Hver ársmiði veitir 15 aðganga að leikjum hvors liðs í Olís deildinni auk þess að veita aðgang að hálfleikskaffi og afslátt á treyju liðanna!