Mætum og styðjum KA til sigurs í dag!

Andri og félagar þurfa á þínum stuðning að halda!

Það má búast við hörkuleik í dag þegar KA tekur á móti Aftureldingu í Olís deild karla klukkan 17:00. Stemningin á heimaleikjum KA hefur verið frábær en strákarnir þurfa á þínum stuðning að halda til að leggja öflugt lið Mosfellinga að velli!

Þetta verður þriðji leikur liðanna í vetur en fyrri tveir hafa farið fram í Mosfellsbænum og verið hörkuleikir. Afturelding hefur unnið báða leikina og klárt mál að nú ætla strákarnir sér að klára dæmið með sigri.

Fyrir leik fer fram sala á eldri KA treyjum sem og happdrættismiðum handknattleiksdeildar. Þá verða Lemon samlokur og Greifapizzur til sölu fyrir svanga, það er því um að gera að mæta snemma og taka þátt í gleðinni!

Athugið að leikurinn verður ekki sýndur á KA-TV þar sem hann verður í beinni á Stöð 2 Sport, áfram KA!