Síðasti handboltaleikjaskóli vetrarins á morgun

Á morgun, sunnudag, fer fram síðasti handboltaleikjaskóli vetrarins en skólinn sem er fyrir hressa krakka fædd 2015-2017 hefur heldur betur slegið í gegn. Það verða ýmsir skemmtilegir leikir í boði og í lokin verða verðlaun og kökuveisla fyrir okkar mögnuðu iðkendur.

Eins og alltaf fer leikjaskólinn fram í íþróttasal Naustaskóla frá klukkan 10:00 til 10:45. Við hlökkum til að sjá ykkur í fyrramálið og fögnum svo vel heppnuðum vetri.