Stórleikur KA og Hauka í kvöld (í beinni)

Handbolti

Leikdagur! KA hefur leik í Coca-Cola bikarnum í dag þegar Haukar koma í heimsókn. Það má búast við svakalegum leik og ljóst að KA liðið þarf á þínum stuðning að halda til að komast áfram í næstu umferð!

Leikurinn hefst klukkan 18:00 en við hvetjum ykkur eindregið til að mæta snemma enda er leikurinn bikarleikur og þar gilda ársmiðar ekki. Það má því reikna með örtröð í miðasölunni og því gott að dreifa álaginu og mæta snemma.

Það er við hæfi að rifja upp eina af fyrri viðureignum þessara liða og hér má sjá þegar KA vann magnaðan sigur á Haukum í úrslitakeppninni árið 1997 eftir framlengdan leik!

Þá minnum við á að pizzur frá Greifanum sem og samlokur frá Lemon eru til sölu á svæðinu þannig að það ætti enginn að vera svangur þó að leikurinn sé á matmálstíma.

KA-TV sýnir leikinn svo að sjálfsögðu í þráðbeinni fyrir þá sem ekki komast í KA-Heimilið, það er því um að gera að fylgjast vel með gangi mála!


Knattspyrnufélag Akureyrar  |  Dalsbraut 1 600 Akureyri  |  S. 462 3482 | Hafa samband