Þorrablót KA á laugardaginn, flott dagskrá

Það verður heldur betur líf og fjör í KA-Heimilinu á laugardaginn þegar Þorrablót KA fer fram. Þorrablót félagsins hafa vakið gríðarlega lukku undanfarin ár og lofum við skemmtilegri dagskrá og miklu fjöri eins og alltaf.

Enn er hægt að tryggja sér miða og hvetjum við ykkur eindregið til að panta ykkur miða sem allra fyrst í netfanginu agust@ka.is en miðinn kostar einungis 6.000 krónur. Athugið að frítt er inn fyrir Bakverði KA en þeir þurfa engu að síður að hafa samband til að tryggja sér miða.

Stebbi Jak og Andri Ívars úr föstudagslögunum verða með dúndurprógram auk þess sem leikfélag VMA sýnir brot úr gríðarlega vel heppnaðri Bugsí Malón sýningu sinni sem hefur slegið í gegn. Þá munu þau Ingvar Björn Guðlaugsson og Anna Hildur Guðmundsdóttir sjá um minni karla og kvenna.

Hefðbundinn þorramatur verður á boðstólum auk lambakjöts með bernaise sósu þannig að allir ættu að geta belgt sig út af mat.

KA-Heimilið opnar klukkan 19:00 en borðhald hefst uppúr klukkan 20:00 og má búast við gríðarlegri stemningu og fjöri, hlökkum til að sjá ykkur!