Verður KA Íslandsmeistari í 4. flokki á morgun?

Stelpurnar hafa verið frábærar í sumar

Það er hreinn úrslitaleikur á morgun, fimmtudag, þegar KA tekur á móti Breiðablik á Greifavellinum klukkan 17:00 í 4. flokki kvenna. Stelpurnar hafa verið algjörlega magnaðar í sumar en þær unnu úrslitariðil sinn á dögunum og leika því gegn Breiðablik í úrslitaleiknum.

Í úrslitariðlinum byrjuðu stelpurnar á að vinna Þór 3-2 í hörkuleik, því næst vannst 0-2 útisigur á Einherja/Sindra og um helgina unnu þær 2-0 sigur á Val. Liðið vann því úrslitariðilinn með fullu húsi stiga en það gerðu Blikar einnig og því ljóst að þetta eru bestu lið landsins.

Við hvetjum að sjálfsögðu alla til að mæta á völlinn og hvetja stelpurnar til sigurs, áfram KA!

Ef þú kemst ómögulega á völlinn þá er KA-TV með leikinn í beinni útsendingu: