Mikilvægur leikur í Grafarvoginum í dag

Elfar Árni fagnar marki sínu gegn Fjölni í sumar

KA mætir Fjölni í Grafarvoginum í dag klukkan 18:00 en leikurinn er liður í 14. umferð Pepsi deildarinnar. Það má með sanni segja að leikurinn í dag sé gríðarlega mikilvægur en einungis einu stigi munar á liðunum en KA er í 8. sæti með 16 stig á meðan Fjölnir er í 9. sætinu með 15 stig.

Liðið sem vinnur í dag mun færast nær toppbaráttunni en gríðarleg barátta er um væntanlegt evrópusæti en liðið sem tapar verður nálægt fallbaráttunni.

Þegar liðin mættust fyrr í sumar á Akureyrarvelli fór KA með góðan 2-0 sigur af hólmi þar sem Elfar Árni Aðalsteinsson og Emil Lyng skoruðu mörkin sem má sjá hér að neðan.

Við hvetjum alla sem geta til að mæta á leikinn og styðja strákana, þetta er mikilvægasti leikurinn í sumar til þessa og ljóst að hann mun segja þó nokkuð um framhaldið, áfram KA!