KA/Þór tekur á móti Aftureldingu á laugardaginn

Á laugardaginn taka stelpurnar í KA/Þór á móti Aftureldingu í KA-heimilinu í 1. deild kvenna. Leikurinn hefst kl. 14:00 og eru allir hvattir til þess að mæta og styðja sitt lið.

Með sigri kemst KA/Þór tveimur stigum frá toppsæti deildarinnar og er því mikið í húfi. Stelpurnar hafa enn ekki tapað heimaleik á keppnistímabilinu og vilja þær halda því óbreyttu fram yfir helgi.

Sem fyrr segir er leikurinn kl. 14:00 á laugaradaginn í KA-heimilinu og það er frítt á völlinn. Allir sem vettlingi geta valdið eru hvattir til þess að mæta og styðja við stelpurnar okkar.