Leiktíðin 2019-2020

Þjálfari meistaraflokks karla var Filip Pawel Szewczyk og lék liðið í Mizunodeild karla. Deildarkeppnin var ekki kláruð vegna COVID-19 veirunnar en liðið sat þá í 4. sæti deildarinnar og hefði því tekið þátt í úrslitakeppninni sem var þó aldrei leikin.

Kvennalið KA lék sömuleiðis í Mizunodeild og var þjálfari liðsins líkt og tímabilið á undan Miguel Mateo Castrillo. Deildarkeppnin var blásin af þegar ein umferð var eftir en þá sat liðið í efsta sæti deildarinnar og var því útnefnt deildarmeistari.

Í lok tímabilsins tilkynnti Blaksamband Íslands að Helena Kristín Gunnarsdóttir hefði verið valin besti leikmaður Íslandsmótsins svo og besti kantsmassarinn. Jóna Margrét Arnarsdóttir var valin besti uppspilarinn auk þess að vera efnilegasti leikmaðurinn.
Karlamegin var Miguel Mateo Castrillo valinn besti Díó en hann var jafnframt stigahæsti leikmaður karladeildarinnar. 

Helena, Mateo og Jóna eru flottir fulltrúar okkar

Hér til hliðar er hægt að skoða leikmannahópa liðanna svo og yfirlit yfir úrslit allra leikja liðanna á tímabilinu og lokastöðu deildarkeppnanna.

Knattspyrnufélag Akureyrar  |  Dalsbraut 1 600 Akureyri  |  S. 462 3482  | blak@ka.is