Tveir heimaleikir gegn Þrótti um helgina

KA leikur um helgina tvo heimaleiki gegn Þrótti Reykjavík í Mizunodeild kvenna í blaki. Fyrir helgina eru liðin í 3. og 4. sæti deildarinnar og klárt mál að stelpurnar þurfa á öllum stigunum að halda til að færast nær Aftureldingu og HK á toppi deildarinnar.

Fyrri leikurinn er í dag, laugardag, klukkan 15:00 og sá seinni á morgun klukkan 13:00 og verða báðir leikir í beinni á KA-TV, áfram KA!