Fréttir

Skemmtilegasti tími ársins í handboltanum er á næsta leiti er úrslitaleikir Poweradebikarsins fara fram að Ásvöllum í Hafnarfirði dagana 25.-28. febrúar næstkomandi og til að gera þetta enn skemmtilegra eiga KA og KA/Þór alls sex lið í baráttunni þetta árið

Aðalstjórn Knattspyrnufélags Akureyrar, KA, auglýsir til umsóknar starf íþróttastjóra félagsins. Íþróttastjóri er lykilhlutverk í starfsemi félagsins og heyrir beint undir framkvæmdastjóra

Lyftingadeild KA blæs til sóknar og kynnir nýja unglingatíma í lyftingum. Til að fagna upphafinu og nýjum þjálfara verður FRÍTT í tímana út febrúar

Nú eru trampólínhópar að fara af stað fyrir BÆÐI krakka og fullorðna 🤸‍♀️🤸‍♂️ Finndu hópinn sem hentar þér (eða ykkur!) 

Norðurorka úthlutaði veglegum styrkjum til samfélagsverkefna árið 2026 við hátíðlega athöfn í menningarhúsinu Hofi í gær. Markmið með styrkjunum er að styðja við sjálfsprottið starf, starfsemi frjálsra félagasamtaka og framtak einstaklinga sem stuðlar að farsælli þróun samfélagsins, lífsgæðum og fjölbreyttu mannlífi

Ívar Logi Jóhannsson hefur skrifað undir þriggja ára samning við knattspyrnudeild KA en þessi 18 ára gamli miðjumaður mætir norður að austan frá liði Hattar á Egilsstöðum

Júdódeild KA átti stærsta hópinn á dögunum þegar hinir árlegu vetrarbúðir, JRB International Kangeiko, fóru fram í Reykjanesbæ. Alls mættu 8 keppendur frá okkur, en samtals voru 41 þátttakandi á svæðinu. Þessi góða mæting sýnir vel hversu mikinn metnað iðkendur okkar hafa til að bæta sig. Hópurinn okkar stóð sig frábærlega. Þrátt fyrir erfiðar æfingar kláruðu allir dagskrána með bros á vör. Þjálfarar annarra liða tóku sérstaklega eftir því hversu vel KA-hópurinn hagaði sér, bæði á æfingum og utan þeirra. Við sjáum oft nýjar hliðar á iðkendum í svona ferðum. Þau koma heim reynslunni ríkari og sterkari, sem nýtist svo öllu liðinu á æfingum heima á Akureyri. Eins og sagt er: Þegar einn bætir sig, þá græðir allt liðið.

Stórafmæli skráðra félagsmanna í febrúar

Magnús Sigurður Sigurólason og Stefán Jóhannsson hlutu heiðursviðurkenningu ÍBA fyrir framlag sitt til KA á Íþróttahátíð Akureyrar á vegum Íþróttabandalags Akureyrar og Fræðslu- og lýðheilsuráðs Akureyrarbæjar sem fram fór í Menningarhúsinu Hofi

Aðalfundur knattspyrnudeildar KA fyrir árið 2026 verður haldinn í KA-Heimilinu föstudaginn 6. febrúar næstkomandi klukkan 17:00. Áhugasamir félagsmenn eru hvattir til að mæta og taka þátt í starfi deildarinnar