Fréttir

Fyrir hönd stjórnar knattspyrnudeildar KA viljum við færa ykkur öllum innilegar þakkir fyrir frábæran stuðning í sumar. Stuðningur ykkar hefur verið ómetanlegur, bæði innan vallar sem utan, og gefur okkur kraft og orku fyrir þau verkefni sem framundan eru

Lokahóf knattspyrnudeildar KA fór fram um helgina en KA lauk sumrinu með 5-1 heimasigri á ÍBV. Það dugði þó ekki og niðurstaða sumarsins er fall úr Bestudeildinni, þar með lýkur lengstu samfleyttu veru karlaliðs frá Akureyri í efstu deild fótboltans

KA varð bæði Íslands- og Bikarmeistari í blaki karla árið 1991 og var þetta í annað sinn sem KA varð Íslandsmeistari í blaki. Í tilefni að 35 ár eru frá þessu magnaða afreki hittust nokkrir góðir aðilar úr hópnum og rifjuðu upp þessa mögnuðu tíma

Haustmót Júdósambands Íslands í flokkum U13, U15 og U21 fór fram laugardaginn 3. október í íþróttahúsi Vallaskóla á Selfossi. Keppendur Júdódeildar KA stóðu sig með prýði og komu heim með þrenn silfurverðlaun.

Stórafmæli skráðra félagsmanna í október

Jakob Snær Árnason og Knattspyrnudeild KA hafa gert með sér nýjan samning sem gildir út sumarið 2029. Eru þetta ákaflega góðar fréttir enda hefur Jakob verið frábær fyrir KA frá komu sinni í félagið sumarið 2021

Paula del Olmo Gomez hefur verið ráðin yfirþjálfari yngriflokka sem og verkefnastjóri blakdeildar KA. Þetta er enn eitt stóra skrefið hjá blakdeild félagsins í átt að metnaðarfyllra og faglegra starfi en Paula hefur gegnt lykilstarfi í þróun blakstarfsins hjá KA frá árinu 2018

Magnús Dagur Jónatansson, hinn bráðefnilegi leikstjórnandi, hefur ákveðið að söðla um og ganga til liðs við ÍBV. KA og Magnús Dagur hafa komist að samkomulagi um starfslok og mun hann því halda ferlinum áfram í Vestmannaeyjum

Handboltaveislan er að hefjast en KA hefur leik í Olísdeildinni á útivelli gegn HK á fimmtudaginn. Á föstudaginn verður hinsvegar svo kynningarkvöld í kjallara KA-Heimilisins kl. 19:00. Andri Snær Stefánsson þjálfari liðsins kynnir liðið, hamborgara- og drykkjasala á svæðinu og stórskemmtilegt KA pub-quiz!

Svavar Ingi Sigmundsson hefur tekið við nýju og stærra hlutverki hjá handknattleiksdeild KA en undanfarin tvö ár hefur hann gegnt starfi yfirþjálfara deildarinnar. Hann tekur nú einnig við nýju verkefni sem yfirmaður handboltamála