Fréttir

Við hjá Fimleikadeild KA erum að leita að metnaðarfullum einstaklingum til að ganga til liðs við okkur sem hópfimleikaþjálfarar. Ef þú hefur brennandi áhuga á að þjálfa börn og ungmenni, ert sjálfstæð/ur og tilbúinn til að vinna með og efla fimleikafærni iðkenda okkar, þá viljum við heyra frá þér!

Kvennakvöld Þórs og KA fór fram um síðustu helgi og heppnaðist afar vel. Við viljum koma á framfæri innilegum þökkum til allra þeirra kvenna sem mættu og gerðu kvöldið að einstökum viðburði. Með þátttöku ykkar og stuðningi styrktuð þið íþróttakonur félaganna og lögðuð mikilvægt lóð á vogarskálarnar fyrir áframhaldandi uppbyggingu í kvennaíþróttum

Sumarmót Lyftingasambands Íslands fór fram um síðastliðna helgi í frábærri umgjörð Lyftingadeildar KA. Í frétt á heimasíðu LSÍ segir meðal annars: “Óhætt er að segja að mótahaldið hafi verið til fyrirmyndar, skipulagið var gott og fagleg vinnubrögð einkenndu mótið frá upphafi til enda.”

Stórafmæli skráðra félagsmanna í júní

Handknattleiksdeild KA barst í dag gríðarlegur liðsstyrkur þegar Dagur Árni Heimisson skrifaði undir tveggja ára samning við félagið. Dag Árna ættu allir KA menn að þekkja vel til en hann er einn efnilegasti leikmaður landsins og verður gríðarlega gaman að sjá hann aftur í gulu og bláu treyjunni

Bruno Bernat hefur skrifað undir nýjan tveggja ára samning við handknattleiksdeild KA og leikur því áfram með sínu uppeldisfélagi næstu árin. Bruno sem er 24 ára hefur heldur betur staðið fyrir sínu í marki KA liðsins undanfarin ár og nú er ljóst að áframhald verður á því

KA og Þór verða með knattspyrnuæfingar fyrir börn með sérþarfir á aldrinum 6-16 ára og hefjast æfingarnar miðvikudaginn 3. júní næstkomandi. Æft verður í Boganum en æfingarnar fara fram kl. 16:15 til 17:00 á miðvikudögum í sumar

Blakdeild KA hefur borist góður liðsstyrkur fyrir komandi tímabil en systkinin Sigurður Helgi Brynjúlfsson og Inga Björg Brynjúlfsdóttir eru gengin í raðir KA frá Völsung á Húsavík

Blakdeild KA á alls átta fulltrúa í lokahópum U18 landsliða karla og kvenna í blaki sem taka þátt á EM í sumar en þetta er í fyrsta skiptið sem íslensk blaklandslið keppa á lokamóti EM en bæði lið tryggðu sér þátttökurétt eftir sigur á Evrópumóti smáþjóða fyrr á árinu