Yngri flokkar: 4. flokkur gerði góða ferð austur

Fjórði flokkur karlahóf Íslandsmótið um liðna helgi með samtals fjórum leikjum.  Á laugardaginn spilaði A-liðið við Fjarðabyggð/Leikni og vannst sá leikur 0-5.   B-liðið vann einnig sinn leik 4-7 en þeir spiluðu aftur við Fjarðabyggð/Leikni á sunnudeginum og unnu hann 3-4 í hörkuspennandi leik.  Allir þessir þrír leikir voru leiknir í Fjarðabyggðahöllinni þar sem hitastigið var líkara því sem gerist í janúar.

Á heimleiðinni var stoppað á Egilstöðum þar sem A-liðið spilaði við Hött.   Aðstæður voru virkilega erfiðar eða 2 gráður, rok og rigning og var mörgum orðið verulega kalt í lok leiks og þá sérstaklega markmanni KA-liðsins sem fékk lítið að gera í leiknum.   Það fór að lokum þannig að KA-liðið vann með 8 mörkum gegn einu og skoraði Eyfirðingurinn Ágúst Örn Víðisson þrennu í leiknum.

A-liðið heldur til Sauðarkróks á föstudaginn þar sem leikið verður við Tindastól/Hvöt.