Getraunastarf KA hefst á ný!

KA - getraunir hefja starfsemi næstkomandi föstudag kl. 20 í KA - heimilinu og verður getraunaþjónustan opin alla föstudaga í vetur kl. 20 - 22.

Fyrirkomulagið verður sem hér segir:

Innanfélagsleikur

§  Leiknar verða 4 umferðir

§  Bestu 3 umferðirnar gilda

§  Hver umferð telur 5 laugardagsseðla

§  Einfaldur seðill - 1 röð

§  Fyrsta umferð: 12., 19. og 26. nóv, 3. og 10. des

§  Einn eða fleiri saman í liði

§  Verðlaun veitt fyrir hverja umferð og heildarkeppnina

Gjaldgengir eru allir sem kaupa laugardagsseðil í gegnum sölukerfi KA annað hvort á getraunakvöldum eða með því að senda tölvupóst á netfangið getraunir@ka-sport.is fyrir kl. 22 á föstudögum.

Hvert lið skilar inn aukaröð í innanfélagsleikinn ásamt sínum laugardagsseðli.

ATH!
Ekki er hægt að greiða fyrir seðlana með reiðufé. Tekið er við greiðslu með greiðslukortum (debet og kredit) á staðnum og tekið er við kreditkortanúmerum ásamt gildistíma þeirra í tölvupósti.

Vinningshlutfall á enska seðlinum hefur stóraukist vegna samstarfs Íslenskra getrauna við Svenska Spel.

Með því að kaupa getraunaseðil í gegnum sölukerfi KA styrkir þú Knattspyrnudeild félagsins án aukins tilkostnaðar fyrir þig.

Á vef Íslenskrar getspár er hægt að setja inn sinn seðil og glöggva sig þannig á því hvað hann kemur til með að kosta:https://games.lotto.is/CF/games/ENG/index.do

KA – heimilið, föstudagur kl. 20!

Allir velkomnir!

Við erum KA-menn, við tippum!