Gunnlaugur Jónsson: Við fáum verðugt verkefni

Heimasíðan náði á Gulla þjálfara KA fyrir leikinn á morgun gegn KR.  Nokkra sterka leikmenn vantar í lið KA, þar á meðal þremenningana Hafþór Þrastarson, sem er í Portúgal með FH, Andrés Vilhjálmsson, sem er í fríi og Dan Howell, sem er farinn til Bandaríkjanna. "Staðan er nokkuð góð, við höfum æft vel í þessari viku og það er virkilega gaman hvað menn eru að leggja mikið á sig á æfingum.  Við erum enn án Magnúsar Blöndal, Tufa og Alla, sem eru á meiðslalistanum.  Við verðum einnig án sterkra leikmanna á morgun, Andrés Vilhjálms fær frí, Dan Howell er kominn til Bandaríkjanna þar sem hann verður þangað til hann verður búinn að útvega þau gögn sem þarf til þess að hann fái atvinnu- og dvalarleyfi, hann verður vonandi komin með þau í kringum páskana.  Hafþór Þrastarson er svo með FH-liðinu í Portúgal og kemur til landsins um helgina.  Aðrir eru klárir og við fáum Stein Gunnarsson að nýju inn í hópinn og nú reynir á breidd liðsins. Það er ljóst að við munum lenda í skakkaföllum í sumar og þá fá nýir menn sénsinn og tækifæri til að stimpla sig inn," sagði Gulli aðspurður út í stöðuna á hópnum  

Hvernig mun Gulli leggja leikinn upp gegn virkilega sterku KR-liði?