KA-menn hita upp á Pósthúsbarnum!

Félagar!
Þá er komið að næsta leik í þessari ótrúlega jöfnu 1. deild Íslandsmótsins í knattspyrnu karla

Laugardaginn 7. ágúst munu okkar menn leika gegn Njarðvík. Leikurinn hefst kl. 14:00 á Akureyrarvelli, heimavelli okkar KA-manna.

Að því tilefni ætlum við að gera okkur glaðan dag á Pósthúsbarnum við Skipagötu. Það var mjög góð mæting á síðustu upphitun okkar á pizzastaðnum Bryggjunni og því sáu staðarhaldarar sér ekki annað fært en að flytja herlegheitin í stærra húsnæði, Pósthúsbarinn.

Dagskrá hefst kl. 12:30

    Andlitsmálning í KA-litunum
    Skemmtilegt upprifjunarmyndband af Íslandsmeistaratitlinum árið 1989
    Steingrímur Eiðsson, aðstoðarþjálfari KA, fer yfir byrjunarlið, leikskipulag o.fl. sem gaman verður að heyra
    Söngæfing
    Marsering á völlinn!

Pizzahlaðborð ásamt gosi - 500 krónur á mann - gjöf en ekki gjald

Yngri flokkar KA hafa fylkt liði á völlinn í síðustu leikjum en flestir þeirra verða í öðrum verkefnum um helgina. Því ríður á að sem flestir láti sjá sig, einkum þeir sem ekki hafa haft möguleika á að mæta til þessa.

KA-menn! Gulir og glaðir! Gerum okkur glaðan dag!

Höfum gaman, syngjum saman!

Áfram KA!