KA strákar gera það gott á Shellmóti

25.06.2011
Lið KA 4. Niðri: Bjartur, Óli, Viktor og Ólafur. Miðja: Tómas, Atli og Hafsteinn. Uppi: Baldur og …
Lið KA 4. Niðri: Bjartur, Óli, Viktor og Ólafur. Miðja: Tómas, Atli og Hafsteinn. Uppi: Baldur og Óli Nelli.
Nú er 3.dagur Shellmóts byrjaður en okkar strákar í 6.flokki hafa gert frábært mót til þessa. Fyrstu tveir dagar mótsins fara í það að raða niður í styrkleika og geta þannig A lið spilað við D lið og svo frammvegis. KA 1 komst vel frá þessum undanriðlum og sigruðu 5 leiki og gerðu 1 jafntefli og komust því í undanúrslita riðil, sem er sterkasti riðillinn. Þeir byrjuðu að spila þann riðil í morgun og gerðu jafntefli gegn Colorado 1-1 en töpuðu svo gegn Selfoss 3-0. En sigurvegarinn úr þessum riðli spilar um Shellmótsbikarinn.

KA 2 gekk einnig mjög vel fyrstu tvo daganna og sigruðu 4 leiki og gerðu 2 jafntefli og var það einungis markahlutfall sem gerði það að verkum að þeir komust ekki í sterkasta flokinn.  Þeir spiluðu gegn Fylki 1 í morgun og biðu lægri hlut 4-1, en þó tveir leikir eftir í riðlinum í dag.

KA 3 vann 2, gerði 2 jafntefli og tapaði 2. En þeir hafa gert gott mót nú í morgun og sigrað báða sýna leiki og eiga því góðan möguleika á að keppa til úrslita í sínum strykleika flokki.

KA 4 vann 3, gerði 2 jafntefli og tapaði 1, Þeir hafa síðan nú í morgun tapað 1 leik gegn Fram 3 og gert 1 jafntefli gegn Stjörnunni 6.

Svo í gær var spilaður árlegur leikur á milli landsliðs og pressuliðs, þar sem einn fulltrúi frá hverju liði spilar. Að þessu sinni var Þorsteinn Þorvaldsson frá KA og þjálfararnir Egill Ármann Kristinsson og Túfa stýrðu landsliðinu.
Til baka