Sigur á Gróttu í kvöld!

KA-menn unnu góðan 1-0 vinnusigur á Gróttu í fyrsta eiginlega heimaleiknum okkar á þessu keppnistímabili. Þetta var fyrsti leikurinn á Akureyrarvelli í sumar og sigur KA var verðskuldaður.

Það var markvarðahrellirinn Elvar Páll Sigurðsson sem skoraði mark KA-manna í fyrri hálfleik, en áður hafði hann meðal annars átt skot í stöng.
Í það heila voru KA-menn mun sterkari í leiknum og sigurinn því fyllilega verðskuldaður.

Fyrir leikinn í kvöld afhenti Sigfús Helgason, formaður Þórs, Hauki Heiðar Haukssyni, blómvönd frá Íþróttafélaginu Þór með korti sem á stendur:

24. júní 2011
KA-menn og konur

Innilega til hamingju með að loksins, loksins komist þið á heimavöll. Gangi ykkur vel.

Íþróttafélagið Þór

----

Þórsurum er þakkaður þessi hlýhugur og gott samstarf við að leysa úr þeim erfiðu vallarmálum sem við hefur verið að glíma í vor og það sem af er sumri.