Fyrstu leikir tímabilsins

Úr leik KA og Þróttar Nes. Mynd: Jón Guðmundsson

Fyrstu leikir Mizuno-deildarinnar fóru fram um síðustu helgi. Bæði karla- og kvennalið KA sóttu Þrótt Nes heim. 

Karlaliðin spiluðu tvo leiki og skiptu sigrunum bróðurlega á milli sín. Fyrri leikur liðanna fór fram á föstudagskvöldið og sigraði Þróttur þann leik 3-0 (26-24, 25-20, 25-19). Seinni leikur liðanna fór svo fram á laugardaginn og þá sneru KA-menn dæminu við og sigruðu 3-0 (25-20, 25-19, 25-21).

Kvennaliðin spiluðu einn leik á laugardaginn og sigraði Þróttur 3-0 (25-12, 25-13, 25-11).

BLÍ hefur tekið í notkun nýtt kerfi til að skrá stigaskor með mun ítarlegri hætti en áður. Einhverjir byrjunarörðugleikar virðast hafa átt sér stað í þessum fyrstu leikjum þannig að við höfum ekki tölur yfir stigaskor leikjanna enn sem komið er. Þetta nýja kerfi er mikil framför og er meðal annars hægt að fylgjast með stöðu leikja "live" og að leikjum loknum eiga að koma inn mun nákvæmari tölulegar upplýsingar um leikinn.