KA stúlkur bikarmeistarar í 2. flokki

Bikarmeistarar í 2. flokki. Vantar þó Eyrúnu Tönju

Þrjú lið frá KA tóku þátt í bikarkeppni 2. og 3. flokks um síðustu helgi. Það leit nú ekki vel út með að krakkarnir kæmust suður til að spila. Á föstudeginum þurftu þau að snúa við vegna veðurs og ófærðar. Aftur var lagt af stað eldsnemma á laugardagsmorgni og komust þau þá alla leið þó það tæki lengri tíma en oft áður. Stelpurnar létu þessa töf ekki trufla sig og komu þær heim með bikarinn í 2. flokki og silfrið í 3. flokki eftir mikinn baráttuleik um 1. sætið.  

Mikið hefur verið um meiðsli hjá strákunum í 2. flokki og voru ekki nema 5 sem fóru til keppni og því ljóst að þeir hefðu ekki heilt lið. Blakarar gera hins vegar ekki vesen úr svona smáatriðum og komu leikmenn annarra liða þeim til bjargar með láni á leikmönnum eftir því sem þurfti. Þeir enduðu í 3. sæti.