Við kynnum nýjar leikmannasíður í blakinu

Það er engin smá blakveisla framundan um helgina þegar bæði karla- og kvennalið KA taka á móti Þrótti Neskaupstað. Karlarnir mætast bæði á laugardag og sunnudag klukkan 13:00 en konurnar leika á laugardeginum klukkan 15:00.

Í tilefni leikjanna vígjum við nú nýjar leikmannasíður fyrir blakdeildina þar sem hægt er að kynnast leikmönnum liðanna sem og skoða tölfræði hvers og eins til þessa. Hægt er að skoða síðurnar með því að smella á "Blak" efst á síðunni og ýta svo á Leikmenn meistaraflokks karla eða Leikmenn meistaraflokks kvenna til hægri.

Leikmenn meistaraflokks karla

Leikmenn meistaraflokks kvenna

Bæði lið KA eru ósigruð á toppi deilda sinna en gríðarleg blakhefð er fyrir austan og ljóst að krefjandi leikir eru framundan.