Sigrar og töp í blakinu um helgina

Blak

Bæði karla- og kvennalið KA í blaki héldu í Mosfellsbæinn um helgina og öttu að kappi við Aftureldingu. 

Karlalið KA vann tvo sigra. 3-0 og 3-1. Þetta voru kærkomnir sigrar fyrir KA-liðið sem lyfti sér upp úr neðsta sæti deildarinnar með þeim. Stigahæstur hjá KA um helgina var Hristiyan Dimitrov en hann skoraði 22 stig í fyrri leiknum og 27 stig í þeim síðari. 

Kvennaliðið fékk hinsvegar ekki að fagna sigri um helgina og vann heimaliðið tvo örugga sigra, 3-0. Unnur Árnadóttir var atkvæðamest hjá KA-liðinu í seinni leiknum með 7 stig en það vantar tölfræðina úr fyrri leiknum á vefsíðu Blaksambandsins.


Knattspyrnufélag Akureyrar  |  Dalsbraut 1 600 Akureyri  |  S. 462 3482  | blak@ka.is