U19 landsliðin til Danmerkur

U19 framlag Blakdeildar KA

Undanfarnar vikur hafa U19 landsliðin verið við æfingar. Alls voru 10 frá KA í æfingahópunum. Þau sem voru í æfingahópunum voru þau Valþór Ingi Karlsson, Ævarr Freyr Birgisson, Benedikt Rúnar Valtýsson, Vigfús Jónbergsson Hjaltalín, Sævar Karl Randversson, Arnrún Eik Guðmundsdóttir, Eyrún Tanja Karlsdóttir, Unnur Árnadóttir, Hildur Davíðsdóttir og Sóley Ásta Sigvaldadóttir.

Filip Szewczyk þjálfari strákanna og Emil Gunnarsson þjálfari stelpnanna, völdu svo í lokahópana og voru 6 frá KA sem fóru alla leið að þessu sinni. Það voru þau Valþór, Ævarr, Benedikt, Sævar, Unnur og Hildur. Liðin verða við æfingar í Reykjavík nú um helgina og halda svo til Ikast í Danmörku á mánudaginn þar sem þau taka þátt í NEVZA-móti. Við óskum þeim góðs gengis og fylgjumst spennt með.