Ungar og efnilegar á æfingu hjá landsliðsþjálfara

Frá æfingu með landsliðsþjálfara

Daniele Mario Capriotti landsliðsþjálfari kvenna var með æfingu í KA heimilinu í gær fyrir ungar og efnilegar blakstúlkur á Norðurlandi. Æfingin var fyrir stúlkur fæddar 2000 og 2001 og mættu 12 stúlkur frá Húsavík, Akureyri og Siglufirði. Daniele er að horfa til framtíðar og hefur verið að fara um landið til að vera með æfingar fyrir þennan aldurshóp til að sjá hvernig yngri leikmenn standa. Þessar æfingar eru ekki síður dýrmætar fyrir leikmennina sjálfa og eru mikil hvatning fyrir þá til að leggja sig fram við æfingar.