Á morgun, sunnudag, fer fram strandhandboltamót sem Handknattleiksdeild KA heldur í samstarfi við Íslensku sumarleikana í Kjarnaskógi. Þetta er í fyrsta skiptið sem keppt er í strandhandbolta fyrir norðan og er stefnan á að mótið verði árlegt hér eftir.

Keppt verður í krakka og fullorðinsflokkum og leika kynin saman í blönduðum liðum. Alls taka þátt 7 lið í krakkaflokknum og 8 í flokki fullorðinna. Fjörið hefst klukkan 13:00 þegar krakkamótið hefst og lýkur þeirra móti um 15:30. Þá taka þeir fullorðnu við og er áætlað að úrslitaleikur þeirrar keppni hefjist 18:30.

Hver leikur er 10 mínútur og er leikið í tveimur riðlum. Að riðlakeppninni lokinni verður svo krossspil um sæti en leikjaplanið má sjá hér fyrir neðan:

Krakkaflokkur

Fullorðinsflokkur