Dean Martin "Deano" ráðin þjálfari m.fl

Nú rétt í þessu voru þær fregnir að berast að gamli KA-maðurinn, Dean Edward Martin, hafi verið ráðinn spilandi þjálfari meistaraflokks KA.

Dínó hefur gert tveggja ára samning við félagið en hann tekur við af Pétri Ólafssyni sem stýrði liðinu í nánast allt sumar eftir að Slobodan Milisic hafði verið sagt upp störfum eftir fjóra leiki.

Hann er Englendingur sem kom til fyrst til KA sumarið 1995 og lék með liðinu í níu sumur en þess á milli lék hann erlendis og einnig með ÍA árið 1998.

Flestir KA-menn ættu að kannast við kappann en hann lék á hægri kantinum hjá KA og var oftar en ekki einn af lykilmönnum liðsins.

,,Hann þjálfaði yngri flokka hér hjá KA í nokkur ár við góðan orðstír. Við misstum mjög góðan mann þegar hann fór upp á Skaga en við erum að fá hann heim aftur," sagði Tómas Lárus Vilbergsson formaður knattspyrnudeildar í samtali við Fótbolta.net í dag.

Í sumar lék Dínó sem er 35 ára gamall einungis fimm leiki með ÍA í Landsbankadeildinni en hann hefur átt við þrálát meiðsli að stríða.v